صنعاء / متابعات:أدلى عدد من المجندين الجدد في الفرقة الأولى المدرعة باعترافات خطيرة أكدوا فيها تلقيهم أوامر من قيادة الفرقة بالتمركز في عمارة (لا إله إلا الله) وقنص جنود الأمن والمواطنين في أحداث جولة كنتاكي في 18 سبتمبر الماضي.صحيفة «الجمهور» كانت قد نشرت في عددها الأخير اعترافات قناصة علي محسن كما وردت نصاً..[c1] اسمك؟[/c] الاسم/ علي علي اللكمي - مجند مستجد في الفرقة.. جندونا في الفرقة قبل شهر ونص، وبعد الشهر والنص بزونا إلى جولة كنتاكي.. أول ما نزلنا سلحونا وجابوا لنا جعب وذخاير وساقونا إلى جولة كنتاكي.[c1] ما هو الغرض ؟[/c] شلونا إلى جولة كنتاكي نكون هناك موقف اسناد أو نقطة للجماعة التي أمامنا من الفرقة..[c1] أين تمركزتم.. في عمارات أم في الجولة؟[/c]خلونا في الجولة حوالي ربع ساعة.. يعني وصلونا الساعة واحدة أو ثنتين في الليل وبعد ربع ساعة دخلونا العمارة، وقالوا لنا اجلسوا في العمارة هذه.[c1] هكذا بس؟[/c] هكذا بس.. قالوا لنا اجلسوا هانا لوما قدوه وقت الطلب ونصيح لكم.[c1] كم لكم متعسكرين؟[/c] قد لنا حوالي شهر ونص.. به ناس من اسبوعين وبه ناس من 3 أسابيع.[c1] ما كانت مهمتكم.. تحرسون أم ماذا؟[/c] قالوا لنا نقطة.. على أساس إذا هدأت الأمور وقد مشين السيارات وكل شيء رجع على ما يرام، فهي عترجع نقطة.. نفعل لكم هانا نقطة.[c1] واذا لم تهدأ الأمور؟[/c] إذا ما سبرتش الامور، فنقعد في العمارة لوما يبسروا إلى حين الطلب يخرجونا من العمارة ويوزعونا على أي مكان.. احنا سرنا هاناك على أساس قالوا لنا نسوي نقطة أو اسناد أو ننتبه على المعتصمين.. وصلنا لا به لا معتصمين ولا به حد.. دخلونا في العمارة هذيك وبس.[c1] ما شفتم أمامكم إلا العسكر؟[/c] أيوه ما أبسرنا إلا وقت الظهر خرجنا نشوف ما بلا العسكر حق الأمن المركزي.[c1] هل أنت راضٍ بما قمت به؟[/c] لا ما عاد احناش راضين بما كنا به أبداً لأنه هذا شيء قد حصل وما يرضي الله ولا رسوله.[c1] فعلتوا لكم نثريات؟[/c] ما معانا إلا ما معانا.. أنا كان معي الميري هذا.[c1]ما هو الميري.. ما لبسوكم؟[/c] ميري الفرقة.[c1]قتل النفس البريئة أين أنت عسكري؟[/c] في الفرقة.[c1] كم لك من حين تعسكرت؟[/c]من رمضان.[c1] هل دربوكم؟[/c] يعني تمارين عادية.. استعد استريح.[c1] على أي سلاح دربوكم؟ [/c] البندقية.[c1] وبعد ما دربوكم أين خرجوكم؟[/c] خرجونا وبزونا وسرنا إلى جولة كنتاكي.[c1] أيش تعملوا في جولة كنتاكي؟ [/c] برحونا في الليل ما كان قد أدوا لنا أي توجيه.. طرحونا في الليل قبل الفجر وراحوا لهم.[c1] أين طرحوكم؟[/c] في العمارة.[c1] أيش قالوا لكم؟[/c] قالوا لنا راعوا لنا لوما يجو لكم.[c1] من هم؟[/c] أي القيادات اللي هاناك.. العسكر والله ما أنا داري من هم.. طرحونا هاناك وبعدين الحرس جو الصباح.[c1] أيش فعلوا بكم الحرس؟[/c] ما فعلوا ولا حاجة.. سلمنا أنفسنا إلى عندهم.. خلسنا الميري وسلمت نفسي أنا مدني.. كلنا الكل.[c1] ما كنتم تفعلوا في العمارة؟[/c] جالسين.[c1] جالسين بس؟[/c] أيوه قالوا لنا اجلسوا لوما يجو لكم أصحابكم، ونوبه للخبرة وكذا.[c1] ما رأيك في الوضع وما هو الذي تسبب في هذا الوضع؟ [/c] الوضع يا أخي والله أنا اقول ان قتل النفس البريئة حرام.[c1]جسر كنتاكي!! اسمك[/c] احمد عبدالله نجم الدين.[c1] أيش كنت تشتغل؟[/c] كنت أشتغل بين المحافظات في الفواكه.[c1] أيش دفعك للتجنيد؟[/c] والله حبينا الالتحاق بالجيش وبعدين ما عاد سبرتش المواصلة في الجيش.[c1] أين التحقت؟[/c] التحقنا بالفرقة الأولى مدرع.. شلونا هناك إلى عند المعتصمين تحت الجسر وبعدين..[c1] أي جسر؟[/c] جسر كنتاكي.[c1] لماذا؟[/c] على أساس احنا في حماية المعتصمين.