في ثاني كتابه هزلية بقالب كوميدي محض احكي من خلاله العديد من المواضيع الشائكة بين الأوساط المحلية النسوية بمحافظة عدن المليئة بالعديد من الأسرار المنزلية كلا على حدة ، لذلك بواسطة الضوء الذي سوف القيه واو سلطة على مايدور خلف ستار الكواليس التي تتناولها ستات البيوت وعن الخطط والقصص والخفايا الدائرة بلسان نسوى مخضب بشؤون حواء وحول لعادات والتقاليد المتعارف عليه بأسلوب بسيط ومنظم بلغة عامية تجمع بين الهزل والجد وبين البين .لهذا اعرض من خلال هذا القالب الصحفي الفريد من نوعه نخبة لنموذج منتقى لعدد من النساء المحليات ولكم نص الحوارالفكاهي الضاحك !!! السائق : اركبوا السيارة وكل وحده تنتبه لا تصك باب السيارة على عبايتها وبمجرد ما أنقفل باب السيارة.. بدأ الأستوديو التحليلي .. اسمعوا ما قاله وما يقوله النساء بعد كل زواج. حربية : ايش فيك تأخرتي؟ خالة شيخه : ساعة قاعدة أدور على عبايتي 00انتي ما شفتي الحريم !!يتضاربون عند العبايات 00العبايات تلخبطت أم شاذي: يا ليتنا ما رحنا زواجهم السائق: ليش؟ أم شاذي : زحمه والجهال عزك الله يتضاربون ويتبع ولوا ويلعبوا بالكيك كأنهم مش والفين!!حربية : اواواواااااااااو، شفتي ذيك اللي طعفرت القهوة على الحرمة اللي كانت نايمه؟ أم شاذي : لا والله ما شفتيش .. انا ما شفت ولا شي في الزواج 00طول الوقت جالسة أدور على جزمه بنتي مها خالة شيخه: ايش رأيكم في التوب أبو ذيله اللي لابسته خلود؟ حربية : أواو عندك كيفه شمات وعزار، لانتي عارفه فين راسة فين رجولة حكم ياصاحب الأمر!!حربية: أنا عجبني ماكياج سعيدة .. تقول إن زوجة خالها جابته لها هدية من الهند على حلاوه موقالولك الماكياج إلي نستخدمه ياعيب الشوم من المفرشين أبو بيسه وعانتينأم شاذي : هههههه من الهند .. تضحك عليك يا هبلا 00تلاقيه من المحلات إلي هنا حابت تطنز علينا مالت عليها صدق إلي قال القرد بعين أمه غزال !!!!!!!!!!!!وقــــــــــفهالغريب والعجيب أنهم وإثناء حديثهم في السيارة يقولون كل وحده للثانية ..خلاص يا نسوان بس ... ما يجوز نتكلم على عباد الله بسكم حشوش وقوايل ! تكــــــــــــــــــــــــملهخالة شيخه : صح والله كلامك يا أختي ....ما يجوزنتكلم عليهم ..بس كل وحده تبلع لسانها وتسكت.شفتي الحرمة اللي كانت جالسة جنبي على العشاء وتقطع الكيك وتهبلي منه؟ حربية : ايوه ايوه، شفتها ..هههههههه متوصيه فيبك ..شكلها بتخطبك لابنها. خالة شيخه : وجع في شكلها هي وابني المبعول ..جالسه تقطع لي الكيك ناقص تأكلني بيدها هو ده إلي ناقص. وهي طايحه في البروست والكباب والجوع والضمى لنا السائق : ايش رأيكم في العشاء أم شاذي : دسم وكله شحم حربية : بارد وسارد ماينزلش بالزورأم شاذي :اللحم كبار وعرز تاكلة من جنب وسنونك تخرج من جنب أم شاذي : وفيه حريم ما تعشوا .. جالسبن على الكراسي اللي في جنب العروسة 00شايفين نفسهم !!حربية : حتى أم العروسة 00ما تعشت مسكينة 00طول الوقت جالسة تعازي على بنتها تقولي بتروح تحارب !!أم شاذي : هههههههههه تبكي من الفرحة يا هبلا ..ما شفتي صدرها منتفخ من الفلوس بس ..خلاص ..ما يجوز .. صح والله ...ما يجوز ... بس شفتي ...وشفتي 00وشفتي وأخيرا وصلنا المنزل السائق : ..شوفو لي حبتين بندول اكسترا لأنه راسي من كلامكم المبعول احسة بايقرح خافوا الله طول الطريق جالسين تحشوا على هادي وتنتفوا على الثانية ايش هذا حتى القات ولا شعرت إني مخزن ضيعتولي ألخرمه واليوم خميس ولا بي والقات إلي اشتريته بثلاثة ألف ريال وتشتوا تخرجوه من أشقاقي حسبي الله عليكم نسوان ((أن كيدكن لعظيم))..