تهاني الخضر علي :[c1]مليون مرة[/c] مليون مرة بس خلاص وصلت حدي.. قلبي سكت عن ظلمهم مليون مرة .. مزحي يهزه كيف لاجاه جدي ؟ وشخصي يهزه كيف لاجاه شره ؟هو ضايقه فالحب جزري ومدي .. وقربي يعل القلب ويسره ؟ خذها شجاعة زايدة و نحدي.. موكل مرة تسلم لشرواك جره .. لو بغاني « ما أرده» .. ولو بغيته «بعدي».. ولو بسعده «بيسعد» .. ولو أبا :يموت حره « ..مثل ما قال لبنان: « بكيفي والله ما يدي» ..أنا ما أطيق أعايش منهو حجمه الذرة.. لو يكلم ابويه ويتوسط له جدي ..ولو جمع مال قارون قلبي ما راح بغره.. قلت كل الصراحة .. شفت فالبعد سعدي.. عشت حرة وباجر بندفن فيه حره.. [c1]طمني[/c]كان عندك غيري خله واحجره.. صير لي عيوني إذا جيتك ضرير.. لا تخسر قلبي جوله وانصره.. لاتشمت عاذلي قيني كثير.. ذول ناس حبهم للجمهره.. مثل حب الأم للطفل الصغير.. حث قلبي يدوس همه ويهجره.. ومر طمني وقول إني بخير.. جيب بعدك لي وأنا اللي بكسره.. جيبهم كلهم وأنا لك بس بشير.. انصره مادام تقدر تنصره.. وطفي نار الشوق فيني والسعير.. فوق ما قلبي تعب لا تدمره.. وروح واعرف عني واسأل واستشير.. لا تحاسبني حساب بمسطره.. لا تماطلني مماطلة الأجير.. فرق بين الحب وبين الثرثره.. جيبلي مربع يطابق مستدير.. وكون أحسن خلق ربي وأمهره.. وقول للعالم بإني شي غير..