فكرة وحوار/محمد فؤادعدنا لكم من جديد في نفس القالب الصحفي الدرامي الكوميدي «كلام نسوان» ، ليأتيكم بحلته الجديدة بمسمى «هوانم عدن سيتي»لنبحر معا من جديد في أحاديث النسوان والجيران بين جنبات الأهل والخلان!!أيام قليلة تفصلنا عن احتفال الأمة الإسلامية بحلول عيد الأضحى المبارك أعاده الله علينا وعليكم باليمن والبركات!!دعونا هذه المرة نتحدث ونخوض التجربة الحوارية في سياق قالبنا الصحفي المبتكر لنزيل عن القراء هم الدهر والقدر !!نحن اليوم في صدد حوارنا الكوميدي هذا نرصد كيف تستقبل كل العائلات هذه المناسبة الجليلة سواء بحلوها أو بمرها !!واليكم النص كالتالي:-**هدوء مترقب يسود الاستعداد لاستقبال هذه المناسبة والتي وللأسف تجر خلفها هموماً وأثقالاً كبيرة «وهم مايلتم»!!*بيت النكدي أبو شادي:«صراخ في البيت ،عيال تتنطط من صباح الصبح استر ياساتر!!*الهانم أم شاذي:«ايش فيك يامنكد على حياتي من يوم ما أتزوجتك ولا لاقيت راحة الجيب !!قوم وافتز من الفرش !!ايش ناسي ولا تستعبط..*النكدان:*»أصبحنا وأصبح الملك لك ياااااااااارب!!من هذه الطامة الكبرى !!دلحين يامرى ايش معك جالسة تبقبقي فوق راسي من النجمة !!*هانم المنكدة:«والله ..دلحين انت من صدقك يارجال !!مش عارف انه العيد قرب وانت تحت الطراحة تتهرب!!*ألعويلة والعويلات وامهم الهانم :«أصه أصه !!أم الجن تشلكم وتعجن !!زعيق وصراخ وكسار سامان والله تمام!!«عودة للحلبة»*هانم النكدية:«شوف !!ياابن الحلال قدلك يوم وراء يوم تجرجرني وراءك زي الكسبة !!ولا اخذت منك لاحق ولاباطل !!مش كفاية اني قدني ساكتة ولا اشتري لي درع وفوطة!!*انت وعيالك اكلتم شحمة قلبي !!شوف ياربي من هذه الخلفة إلي جبتهالي !!آه ياني !!*النكدي أبو شاذي:«جن لما يلخفك أنت وعيالك !!ياحرمة دلحين أنتي مستعجلة على المشاهرة !!منك ولا من صاحب البقالة !!**قدها لك ولعيالك الجن !!أنا والله ايش خلاني أعاني إلا خالتي أم هاني !!قدنا كنت راسي والهوى والهم ارميه للورى!!اح اح اح!!العيال :يالله ياامة نلحق السوق عشان تشتريلي إللي قلتلي عليه !!كل واحد يشده من شق وطرف !!إيه ده عيشة كلها قرف ...**المهم ياحضرات الوالد رمى للهانم الحيلة والفتيلة !!تلقتها بالزوق !!كل هذا يحدث في كل البيوت النكدانه !!قده الراتب باوله وبيستين !!والأسعار زي المنشار !!تحرق القلب زي الفلفل الحار مع الشتني والبهار!!ايش نعمل !!لازيادة ولا إكرامية حكومة قلنا معليش الظروف قدها زي الزفت !!وزاد وغلق لامرفق يهمة همومك ويقدر مجهودك !!والحريم مش كلهم طبعا خلو الحياة بعيون الرجال خل وخردل «وما عليك إلا تلحي»وخير بسلامة وسلامة مش بخير..
